Pormalen a linukatan da Presidente Ferdinand Marcos Jr ken ni First Lady Liza Marcos ti photo exhibit ti Presidential Photojournalists Association wenno PPA iti Likhang Pilipino Exhibition Hall idiay Pasay City.
Ti PPA ket buklen dagiti accredited photojournalist manipud iti nadumaduma a news organization a masansan nga agcov-cover iti presidente ken Malacañang.
Tampok iti “In Focus: Marcos Presidency” ti 100 a ladawan ti presidente kadagiti aktibidadna iti uneg ken ruar ti pagilian iti uneg ti uppat a tawen.
Nagyaman ni Presidente Marcos kadagiti photojournalist a kunana a nagserbi a mata ti publiko iti panangidokumento kadagiti ar-aramiden ti gobierno.
Libre ti sumrek iti exhibit mangrugi Agosto 14 agingga 30, alas dyes iti agsapa agingga alas siete iti rabii.
