VIGAN CITY – Maangay ti Photo and Video Competition inton January 30 idiay National Museum of the Philippines – Ilocos Regional Complex, Burgos Street, Vigan City kas paset ti Ilocos Sur Kannawidan Festival 2023.
Silulukat ti pasalip iti amin a kayatna a sumali ta awan ti age limit-na, mabalin dagiti nangab-abak idin ken awan ti registration fee-na.
Para iti Photo Story Category ket adda temana nga “Who is Ilocos Sur” a ti format-na ket Photo Story isu a maikabil ti dua agingga lima a ladawan.
P30,00 pesos ti first prize; P20,000 ti second prize; ken P10,000 ti third prize ken adda karamanna a trophy certificate iti tunggal maysa.
Para met iti Short Video Category ket adda temana a “Where is Ilocos Sur”.
Masapul a ti arko ti Ilocos Sur a masarakan idiay Tagudin ket mairaman iti video entries ta no awan ket madisqualify.
Saan a nabasbassit ngem tallo a minutos ti video ken saan met a nalablabes ngem lima a minutos.
Masapul a nairekord iti high definition, 4k resolution ken not less than 1080p kasta payen a masapul ket mp4 digital format.
P50,000 ti first prize; P30,000 ti second prize; ken P20,000 ti third prize ken adda karamanna a trophy certificate ti tunggal maysa.
Iti met Single Photo Category, adda temana a “What is Ilocos Sur”, single photo ti formatna.
Para iti nasao a kategorya, P30,000 ti first prize; P20,000 ti second prize; ken P10,000 ti third prize ken adda karamanna a trophy certificate ti tunggal maysa.
