PHIVOLCS, nagpalagip iti publiko iti naing-inget a pannakaiparit ti ania man a human activities iti uneg ti Taal Volcano Island kasaruno ti tallo a napasamak a phreatic eruption

Nagpalagip manen ti Philippine Institute of Volcanology and Seismology iti agtultuloy a panangpainget wenno panangiparit kadagiti ania man a human activity iti uneg ti Taal Volcano Island, nangruna iti main crater, Daang Kastila fissures ken iti karayan ti taal.

Kasaruno dayta ti nairekord a tallo a nagsasaruno a phreatic eruption idi rabii a nagpaot iti maysa a minuto iti tunggal maysa.

Alas dose iti tengnga ti rabii idi kalman agingga iti alas dose iti tengnga di rabii manen ket nairekord ti tallo a volcanic earthquakes a nangitunda iti vog, nga adda nakita a 3,309 a tonelada ti sulfur dioxide flux.

Gapu ta naka-alert level 1 latta ti Bulkang Taal, maiparit pay laeng ti biahe iti tangatang nga asideg iti tuktok ti bulkan.