Kinanselaren ti Philippine Institute of Volcanology and Seismology (PHIVOLCS) ti inruarda a tsunami advisory idi kalman kasaruno ti napigs a magnitude 8.7 a ginggined a nangdayyeg iti kabaybayan a paset iti Kamchatka, Russia.
Segun ti ahensya, ti ginggined ket napasamak iti alas syete baente singko iti bigat, oras ti Pilipinas a ti kaunegna ket pitopulo ket uppat a kilometro ken manamnama nga ag-generate iti tsunami waves iti nakurang maysa a metro iti kabaybayan a paset ti Pilipinas a sumangsango ti Pacific Ocean.
Iti immuna a waves ket manamnama a tumama ti nagbaetan ti ala una baente iti malem ken alas dos kuarenta iti malem idi kalman ngem kinuna ti Phivolcs a posible a saan a dayta iti kakaroan ken posible a mapaamak a wave activity iti sumagmamano nga oras.
Kas panagannad ket nabalakadan dagiti residente iti coastal areas nga umadayo pay laeng iti kabaybayan ken mapan iti natalged a lugar.
Ngem nupay kasta ket impakaammo iti alas kuatro kuarenta iti malem ti Phivolcs ti panakakanselar ti tsunami advisory kalpasan nga awan ti sea-level disturbances wenno destructive tsunami waves a nadetect ti monitoring stations.
