--Ads--
Imbaba ti Philippine Institute and Volcanology and Seismology ti alert status ti Bulkan Bulusan manipud iti Alert Level 1 a napan iti Alert Level 0.
Ti addang ket kasaruno ti panagbaba ti monitoring parameters a naobserbaran iti bulkan pakairamanan ti volcanic earthquakes, gas emissions ken dadduma pay nga aktibidad.
Segun ti Philvolcs, ti Alert Level 0 ket kayat na a sawen a ti Bulusan ket addan iti normal a kondision ken awanen ti makita a pangta ti panagbettak iti agdama.
Nupay kasta, naballaagan latta ti publiko nga agtalinaed a naannad gapu ta agtaltalinaed nga aktibo ti bulkan ken mabalin nga agipakita manen ti aktibidad.
-- ADVERTISEMENT --
