VIGAN CITY – Pormalen a narugian idi kalman, June 15 ti umuna a Philippine Youth Convergence 2022 ti Department of Education idiay Puerto Princesa City, Palawan nga agpaot agingga iti June 17.
Ti aktibidad ket nakipasetan ti nasurok dua a ribo nga estudiante manipud kadagiti sangapulo ket pito a rehion iti pagilian ken dagiti nangato nga opisial ti DepEd.
Nagyaman met ni Puerto Princesa City Mayor Lucilo Bayron ta napilida ti lugarda a pakaangayan ti nasao nga aktibidad para kadagiti agtutubo iti intero a pagilian kangrunaan dagiti student leader.
Kabayatanna, narugianen dagiti session a dagiti high caliber speakers ti DepEd ti naimbitaran nga agsarita.
Gagem ti aktibidad a mangngegan met ti boses dagiti estudiante kas maysa a kabinnulig iti panangputar iti paglintegan wenno dadduma pay nga aktibidad a pagsyaatan dagiti agad-adal iti intero a pagilian.