Linapdan ti maysa a Philippine vessel ti maysa a China Coast Guard (CCG) ship kas kinuna ti Philippine Coast Guard (PCG).
Segun ken ni PCG Spokesperson Commodore Jay Tarriela, ti 44-meter multi-role response vessel BRP Cabra ket namonitorda iti garaw ti CCG 3105 idi March 8 ken naliklikan iti papanda iti kabaybayan ti Zambales.
Iti laksid ti kaasideg a tallo agingga lima a metro ket napagtalinaed ti Cabra iti posisyonna isu a dimmistansya ti CCG Vessel iti nasurok 95 nautical miles iti kabaybayan.
Agtultuloy iti pananglaban ti PCG iti illegal presence iti CCG idiay West Philippine Sea a mangipaganetget a ti tignay iti China ket manglabsing ti international ken domestic laws pakairamanan ti United Nations Convention on the Law of the Sea, ti Philippine’s Maritime Zones Act, ken ti 2016 Arbitral Award.
Impaganetget ni Coast Guard Commandant Admiral Ronnie Gil Gavan ti commitment iti ahensya iti panangsalaknib iti kabaybayan iti pagilian a nagkunaanda a ti deployment iti PCG vessels ket gagem a maliklikan ti China a pagbalinen a normal iti kaaddada iti exclusive economic zone iti pagilian.
