Inyanunsiyo ti Philippine Navy ti planonada a mangnayon kadagiti assetsda a makabael a mangpapigsa iti anti-submarine capabilities-da.
Dayta ket kalpasan a nakita ti maysa a Russian Submarine idiay Cape Calavite iti Occidental Mindoro idi Nobiembre 28.
Segun kenni Navy Spokesperson in West Philippine Sea a ni Rear Admiral Roy Vincent Trinidad, nagipasadan ti proposal para iti panaggatang iti dua pay a corvette wenno kanayonan a maysa a frigate.
Inyuanay-unay ni Trinidad a dakkel ti panagkasapulan iti kanayonan a Naval assets ti Pilipinas tapno ad-adda a mapapigsa ti seguriadad manipud kadagiti pangta.
Iti agdama, addaan ti Pilipinas iti dua (2) a missile frigate a BRP Jose Rizal ken BRP Antonio Luna a makabael iti anti-submarine warfare.
Bayat a dua a guided missile corvette ken innem nga offshore patrol vessel ti agdama a maar-aramid idiay South Korea, ken dua a landing dock ti maar-aramid idiay Indonesia.
