VIGAN CITY – Saan nga umanamong ti Philippine Medical Association ti panagbalin a legal ti medical marijuana.
Iti pannaki-uman ti Bombo Radyo Vigan ken ni Dra. Arlyn Narceles, pudno a makaited ti benepisyo ti marijuana ken makatulong a makapalag-an ti muscle pain, neuroprotective, ken antioxidant.
Ngem no man pay kasta, adda dagiti alternative medication a mausar kadagiti sakit a maagasan ti marijuana.
Segun ken ni Dr. Narceles, ti pakausaran ti marijuana ket dagiti adda iti long-term illneses isu nga adda posibilidadna a maaddaan ti psychological effects kas iti addiction.
Kabayatanna, mabalin a maporma ti marijuana kas Oil, spray, capsule, ken taraun.
Pakadanagan ita ti Philippine Medical Association nga adda dakkel nga epektona ti pannakaipasa ti singasing nga aramiden a legal ti medical marijuana, ta mabalin nga agusar dagiti pasiente ti peke a reseta, ken no naubing iti agusar ket a maapektaran ti psycholigal-da.
Kabayatanna, adda iti dua a component ti marijuana a manglapped kadagiti sagsagabaen a sakit dagiti pasiente a kas ti tetrahydrocannabinol ken cannabidiol.
