--Ads--
Nakaituding nga agsubli ita nga aldaw iti pagilian ti Philippine Inter-Agency Humanitarian Contingent manipod Myanmar nga immunan a naideploy a tumulong iti rescue ken relief operation kasaruno iti 7.7 magnitude a ginggined kas kinuna ti Office of the Civil Defense.
Ti sibubukel a contingent a buklen iti walopulo ket siam a personnel manipod agduduma nga ahensya ket mapasangbayan babaen ti seremonya tapno bigbigen ti serbisyoda apaman a makasangpetda iti Villamor Air Base.
Indanon ni Defense Secretary Gilberto Teodoro Jr. iti pakablaaw ni President Ferdinand Marcos Jr. iti trabaho nga inaramid iti team.
Manamnama a ti mangpasangbay iti contingent ket ni Civil Defense Administrator Ariel Nepomuceno.
-- ADVERTISEMENT --
