--Ads--
Mamati ti Philippine Embassy idiay Paris nga adda idiay France ni dati a Rep. Zaldy Co ken posible nga adda sanikuana iti nasao a pagilian, ngem awan pay kumpirmasion no nakita isuna.
Segun ken ni Ambassador to France Eduardo de Vega, saan a mabalin a maisayangkat ti surveillance wenno panangkemmeg ti embahada ta mailabsing daytoy iti linteg ken soberanya ti France.
Ania man a tignay kontra ken ni Co ket nasken a dumalan kadagiti otoridad ti France wenno babaen iti Interpol.
Innayonna pay nga uray adda arrest warrant iti Pilipinas, saan a direkta a maipatungpal iti France, ken awan ti turay ti embahada wenno Filipino community iti nasao a pagilian a mangkemmeg iti dati a kongresista.
-- ADVERTISEMENT --
