Nakairuar ti Philippine Crop Insurance Corp. (PCIC) ti P666.86 milion para ti compensation kadagiti 86,066 nga insured farmers a naapektaran iti Severe Tropical Storm Kristine.
Segun kenni PCIC president JB Jovy Bernabe, a ti rapid assessment kadagiti insured farms a naapektaran ni Kristine manipud Oktubre. 22 agingga 25 ti covered iti sangapulo a rehion iti pagilian, a nasurok a kagudua ti naggapu iti Central Luzon, rehion ti Bicol ken Mimaropa.
Karaman iti insurance payments ti P413.5 million para iti pagay, P167.9 million para kadagiti high-value crops ken P27.7 million para iti fisheries.
Basar ti DA operations center a dimmanon iti P5.75 billion ti nadadael gapu ti bagyo Kristine, nga addaan ti 74% wenno P4.25 billion manipud iti pagay, P847.48 million manipud kadagiti high-value crops ken P446.22 million manipud iti fisheries.
Kagiddan daytoy, kiniddaw ni Agriculture Secretary Francisco Tiu Laurel Jr. iti PCIC a mapadaras ti pannakaproseso dagiti claim ti insurance ken ipaayda amin a posible a tulong tapno matulongan dagiti mannalon a dagus a makabangon manipud iti didigra.
