Mangidiaya ti Philippine Health Insurance Corporation iti benefit packages kadagiti pasyente a nakaptan iti dengue virus – nayospitalda man wenno saan.
Dayta ket iti baet ti ngimmato a kaso ti dengue cases iti pagilian.
Segun ken ni Israel Francis Pargas, Philhealth Senior Vice President for Health Finance Policy Sector, tallo a benefit packages ti mabalin a maipaay kadagiti nakaptan iti dengue.
Adda primary care benefit wenno Konsulta ket dagiti nakalista wenno nakarehistro iti Konsulta provider ket mabalinda ti agpakonsulta wenno agpa-checkup a libre.
Kadagiti kasapulanna ti maipan iti emergency room gapu iti nangato a gurigor ngem saan a kasapulan a mai-dmit ket maipaayan latta iti kompensasyon iti salinong ti outpatient emergency care benefit package.
Kabayatanna, icover pay ti ahensia ti hospitalization dagiti nai-confined ta dagiti admitted patient a nadiagnose iti dengue mild wenno dengue fever ket maingaton iti P19,500 ti benepisyo manipud iti dati a P10,000.
No met daytoy ta nakaro wenno dengue severe, P47,000 ti benepisyo a maited manipud iti dati a P16,000.
