Mangrugi inton bigat, Setyembre 18 ket sakupenen ti Philhealth dagiti sumagmamano nga inpatient admission nga awan pay 24 nga orasna, no la ket makastrek iti naituding a medical requirement ken mapaneknekan a medically necessary.
Karaman ditoy dagiti pasyente a seryoso, nakaro wenno life-threatening ti kasasaadna, agraman dagiti kasapulan a mayakar iti sabal inga ospital, natay bayat a naka-confine, wenno dagiti pinalubosan ti doktorna nga agawid sakbay pay nga umabot iti 24 nga oras.
Mabalin pay nga agbalin a kwalipikado dagiti boluntaryo a pimmanaw iti ospital iti uneg ti 24 nga oras, idinto a saan a sakup iti coverage dagiti declared a dead on arrival ken dagiti kondision a mabalin a mataming iti outpatient, emergency, ambulatory wenno primary care setting.
Segun iti Philhealth, mangrugi ti bilang ti 24 nga oras manipud iti pormal nga admission babaen iti admit order, agramanen no adda iti emergency room pay laeng ti pasyente, kas paset iti baro a pagannurotan a ti gagemna ket masungbatan ti dati a minimum confinement requirement.
