Mamati ti Philippine Health Insurance Corporation a dakkel ti maitulong kadagiti adda sakitna iti bato wenno chronic kidney disease ti nayyatiddug a benepisyo ti ahensia kas ti Z Benefits Package para iti post-kidney transplantation services.
Segun iti Philhealth, ti sakit ti bato ti maysa ita kadagiti kangrunaan a saki titi pagilian ta maysa iti kada tallo a Pilipino ti mabalin a makaptan.
Inlawlawag ti Philhealth a kasapulan ti napaot a panagagas ta ap-apektaran ti sakit ti bato dagiti nadumaduma nga aspeto ti biag dagiti pasyente ti trabahoda, kalidad ti panagbiag ken ti naipundarda.
Iti salinong ti baro a benepisyo kadagiti ubbing, karaman kadagiti mabayadan ti P73,065 kada bulan nga immunosuppressive medications para iti umuna a tawen ken P41,150 kada bulan kadagiti sumaruno a tawen.
P45,570 kada bulan met nga anti-biotic tapno maliklikan ti impeksyon.
