Pinalawa ti Philippine Health Insurance Corporation (PhilHEalth) ti inpatient coverage para iti sumagmamano a pasiente a na-confine iti kurang a 24 nga oras, segun ken ni Bagong Henerasyon Party-list Rep. Robert Nazal.
Sakup itan ti baro a pagannurotan dagiti kualipikado a miembro a naikkan iti serbisio medikal uray no saan a nagpaut iti 24 nga oras ti pannaka-confine-da, basta natayda bayat ti pannakai-confine-da wenno nayakarda iti sabali a pasilidad ti para iti agtultuloy a pannakaagas.
Kinumpirmaran ni Bataan Rep. Albert Garcia nga epektibo ti nasao a patakaran mangrugi inton Setiembre 18, idinto nga imbagana pay a mabalin a masakupan ti dadduma a pasyente nga agtalinaed iti nasurok a 24 nga oras iti emergency room gapu ta awan ti magun-od a kuarto iti ospital.
Kabayatanna, Nagpanawagan ni Nazal ti naing-inget a pannakamonitor dagiti ospital kalpasan a nakairekord ti Department of Health (DOH) iti 267 a pasiente a nai-confine gapu iti di pay nabayadan a bayadan iti ospital idi 2025.
