--Ads--
Pinasingkedan ti katugtugaw nga Ombudsman a ni Jesus Crispin Remullaa karaman iti immediate tasks-na ti panangimbestigar iti multibillion-peso Pharmally case, maysa a corruption scandal idi pandemic response a panawen ti Duterte administration.
Segun ken ni Remulla, kaslan nalipatanen ti kaso ngem para kenkuana ket nasken a saan a mabaybay-an.
Nangisayangkat iti panagdengngeg ti Senado ngem awan ti nagdur-asanna isu a kayatna manen ita a malukatan.
Kitaen ni Remulla dagiti pending a kaso ken bigbigen dagiti nabayagen a saan a nasulbar kagiddan ti panangadal iti agdama a sistema tapno makabukel kadagiti pagannurotan a mangpaalisto iti pannakasulbar ti kaso.
-- ADVERTISEMENT --
