Insayangkat ti Pilipinas ken United States ti joint simulation exercise on humanitarian assistance and disaster relief operations (HADR) tapno mapasayaat ti interopability iti panagibiahe ti calamity aid kadagiti komunidad nu dumteg ti didigra.
Naimatangan da Department of National Defense Secretary Gilberto Teodoro Jr., Armed Forces of the Philippines (AFP) Chief Gen. Romeo Brawner Jr., ken US Ambassador to the Philippines MaryKay Carlson kas personnel manipod AFP ken US Indo-Pacific Command (Indopacom) iti pannakai-deliver iti family food packs (FFPs) para kadagiti flood-affected communities iti Clark Air Base idiay Mabalacat City, Pampanga.
Ti event ket naipakita nu kasano a maidanon ti FFPs manipod Department of Social Welfare and Development (DSWD) babaen ti US military aircraft kangrunaan ti MV-22 Osprey a nangipaganetgetan ti logistics ken coordination a kasapulan iti humanitarian response missions.
Agserbi ti aktibidad a mangbigbig dagiti wagas ken panangpasayaat ti masangwanan a joint HADR operations iti nagbaetan iti puersa dagiti dua a pagilian.
