--Ads--
Impasigurado ti Philippine Embassy idiay Colombia a natalged amin dagiti Pilipino idiay Venezuela.
Dayta ket iti baet ti tensyon gapu iti panagraut ti Amerika ken pannakakemmeg ni President Nicolas Maduro.
Segun ken ni Charge d’Affaires Judy Razon, agtultuloy ti panangbantayda iti kasasaad dagiti umili sipud pay idi Enero 3 babaen iti group chat kadua ti Filipino community.
Awan met ti Pilipino a nadangran ken nagtalinaed a naurnos ti sitwasyon kadagiti lugarda.
-- ADVERTISEMENT --
Maibasar iti Department of Foreign Affairs (DFA), pakabuklan a 74 a Pilipino ti adda idiay Venezuela.
