Nabara a pinasangbayan ti Philippine Embassy in Abu Dhabi iti isasangpet dagiti Philippine delegation ti 2025 International Mixed Martial Arts Federation (IMMAF) Youth World Championship para iti nakaituding a labanda idiay Al Ain, United Arab Emirates.
Ti Philippine delegates ket pakairamanan da Alexander Tagure Jr., John Michael Tabunot, Jessa Mae Bron, Erwin Tagure (Coach), ken Leo Obeina (Coach).
Iti pannaki-uman ti Bombo Radyo Vigan ken ni coach Leo Obiena, nasayaat iti panang-welcome kadakuada ti embahada babaen kada Embassy Deputy Head of Mission ken Consul General Arvic Arevalo pakairamanan ti Filipino Community a nakipaset ti courtesy call.
Segun ken ni Obiena, planoda a sakbay a maaddaan iti laban dagiti delegate inton bigat, July 25, 2025 ket maikkanda iti gundaway a makadua dagiti Pilipino nga adda iti nasao a pagilian.
Insigida iti panagsaganada para iti laban ta manamnama a makilaban inton Biernes da Bron ken Tagure Jr. idinto nga inton Sabado ni Tabunot ket makasangona ti delegate manipod Azerbaijan.
Mapatta-patta a 1,060 nga atleta manipod innem a pulo a pagilian iti lubong iti makipaset iti nasao nga event.
Impasigurado met ni Tabunot nga aramidenda amin tapno maala ti kampeonato ken maipannakkel iti pagilian ket nagyaman pay kadagiti amin a mangsupsuportar kadakuada a Pilipino.
