Rugianen ti Department of Foreign Affairs (DFA) ti panagsagana para iti panaglukat ti konsulado ti Pilipinas idiay Busan, South Korea kas kinuna ni Pres. Ferdinand Marcos Jr. bayat ti pannakisinnarakna kadagiti Pilipino iti nasao a lugar para ti maika-tallopulo ket dua nga Asia-Pacific Economic Cooperation (APEC) Economic Leaders’ Meeting.
Aglukat dayta inton sumaruno a tawen kas maikadua nga opisina iti Pilipinas malaksid laeng iti Philippine Embassy idiay Seoul.
Segun ken ni Marcos, ti panagpatakder ti konsulado ket maysa a dakkel nga addang tapno mayasideg ti serbisyo iti gobierno iti tunggal Pilipino idiay Busan ken kadagiti kaasidegna a lugar.
Saan laeng a konsulado idiay Busan iti manamnama ta siguradoen ti presidente nga addanto pay maipatakder a Social Security System wenno SSS offices iti PH Embassy idiay Seoul.
