--Ads--
Indepensar ti Department of Foreign Affairs (DFA) ti temporario a katulagan ti Pilipinas ken China para iti resupply missions iti BRP Sierra Madre iti Ayungin Shoal.
Segun iti DFA, saan a maikompromiso daytoy ti 2016 Arbitral Award ken saan a manglimitar iti sovereign rights ti Pilipinas.
Ti panagplano ken pannakaipatungpal dagiti mision ti RORE ket adda iti AFP ken PCG.
Kinuna pay ti DFA a 15 a mision ti naisayangkat nga awan ti insidente. Inkonsiderarna pay dagiti alternatibo a pamay-an ti resupply kas iti airdrops, drones ken fast boats.
-- ADVERTISEMENT --
Manipud ita, awan ti plano ti DFA a mangbalbaliw iti agdama nga urnos ken ti desision iti pannakaituloyna ket nabaybay-an iti sektor ti seguridad. // Kleofe Jayna Dayag
