Pinasingkedan ti Philippine Army nga awan ti mamon-monitorda a dakkel a pangta a mabalin a mangapektar iti umuna a parliamentary elections iti Bangsamoro Autonomous Region in Muslim Mindanao inton Setyembre 14.
Segun ken ni Army spokesperson Louie Dema-ala, agtultuloy ti panang-monitorda kadagiti lugar nga adda idin napasamak a kinaranggas maipapan ti eleksion.
Innayonna a nakasaganada a suportaran ti Commission on Elections ken Philippine National Police tapno masigurado ti natalged, naurnos, ken nakappia nga eleksion.
Malaksid dayta, kompleto ti tropa iti rehion, agraman dagiti unit ti 1st, 6th, ken 11th Infantry Divisions iti Western Mindanao a nakasagana a mangted iti area security, reinforcement, ken rapid response support iti PNP.
Kabayatanna, nagyaman ti Office of the Presidential Adviser on Peace, Reconciliation and Unity kadagiti agpampanday-linteg iti panangipasa iti gakat a mangituding iti BARMM elections kada Lunes ti Setyembre.
