--Ads--
Umaboten iti 560 ti Go Bags a naiwaras ti Provincial Government of Ilocos Sur babaen iti Provincial Disaster Risk Reduction and Management Council kas paset iti nairusat a PROJECT AGSAGANA.
Iti pannaki-uman ti Bombo Radyo Vigan ken ni Rhon Arquelada, ti PROJECT AGSAGANA ket maysa nga easy campaign maipanggep iti gingined ken tsunami a ti karamanna ket ti pannakaiwaras dagiti Go Bag.
Saan laeng nga agiwaras iti Go Bag ti gagem ti nasao a proyekto no di ket adalan dagiti agindeg kadagiti coastal municipalities mainaig kadagiti hazard iti lugarda.
Ti Go Bag ket naglaon iti first aid kit ken emergency and survival kit a mabalin a nayunan dagiti agindeg.
-- ADVERTISEMENT --
Target ti provincial government a maipaayan amin dagiti agindeg iti probinsia.
