--Ads--
Mangrugi a mangidiaya ti gobierno iti dollar-denominated retail bonds inton Nobiembre 19 agingga 24 tapno makaur-or ti saan a nababbaba ngem iti $200 milion wenno katukad iti P12.75 billion, segun iti Bureau of the Treasury (BTr).
Ti tallo tawen a government bonds a mangitudtuding nga ag-mature iti 2029 ket mabalin a gatangen dagiti investor iti gatad a saan a nababbaba ngem iti $200 kada transaksion.
Mabalin daytoy a maala babaen iti GCash GBonds, PDAX, BTr website ken sumagmamano a bangko ken mobile banking applications.
Gagem ti gobierno a makaur-or iti pondo kas suporta iti national budget, idinto a maikkan dagiti Pilipino iti nayon a gundaway nga agpuunan kadagiti produkto a dolyar a supsuportaran ti gobierno.
-- ADVERTISEMENT --
