Nangipasa ni Atty. Eldrige Marvin Aceron iti maysa a petision para iti full disclose ti draft report ti Senate Blue Ribbon Committee mainaig iti imbestigasion ti flood control projects.
Impasa ni Aceron ti petision idi Mierkoles kada Sikini Labastilla ken Purificacion Bartolome-Bernabe kas petitioner.
Kasaruno dayta ti nagwaras a draft report a pangirekrekomendaran ti Blue Ribbon iti plunder ken malversation of public funds charges kontra ken ni Senador Chiz Escudero.
Maibasar iti petision, malaksid ken ni Escudero ket karaman pay da Sen. Jinggoy Estrada, Sen. Joel Villanueva, dati a Sen. Bong Revilla, dati a Rep. Zaldy Co ken dadduma pay nga opisial.
Kidkiddawen ti petision ti panangiruar iti buo ken saan a redacted a report ken panangpatalinaed iti amin a bersion ti dokumento, panangited iti certified copy iti Senate Ethics Committee, ken panang-inhibit ken ni Ejercito iti proceedings nga adda pakainaiganna ken ni Escudero.
