Naibilinen ti pannakaisayangkat ti public hearing ti Land Transportation Franchising and Regulatory Board mainaig iti petision ti grupo a PISTON a mangipatungpal iti P10 a nayon a singir iti minimum fare dagiti dyip.
Kas paset iti regulatory process ken prmal a panangkita iti petision, binilin ni LTFRB Chairman Vigor Mendoz II nga agipasa iti komento dagiti rupo ti commuter ken dadduma pay nga stakeholder tapno maikkan ida iti gundaway a mayebkas ti biangda iti nasao a gakat.
Nakadepende ti timeline ti petision iti lebel ti oposision; ngem no awan ti kumontra, mabalin a makabukel iti decision iti uneg ti 2 agingga 3 a bulan.
Karaman ditoy dagiti kasapulan a proseso kas ti panangted iti abiso iti publiko, konsultasion iti Office of the Solicitor General, ken pannakibinnulig kadagiti ahensia a pang-ekonomia ken pagubraan.
