Peru, dinayyeg iti magnitude 6.7 a gingined

Dinayyeg iti magnitude 6.7 a gingined ti southern Peru, segun iti United States Geological Survey.

Nagsentro ti gingined iti kaadayo a 38 a kilometro amianan a laud ti Upahuacho, probinsia ti Parinacochas iti rehion ti Ayacucho, ken adda kaunegna a nasurok-kumurang 66 a kilometro.

Narikna ti gingined iti sumagmamano a paset ti southern Peru, agraman ti Ica ken Arequipa.

Awan pay ti nairekord a damages ngem agtultuloy nga iberberipika dagiti otoridad ti lugar nga inapektaran ti gingined.

Malaksid dayta, awan ti pangta ti tsunami kalpasan ti nasao a gingined.