--Ads--
Nabigbigen ti person of interest iti pannakapaltog ni Albuera, Leyte mayoral candidate Kerwin Espinosa, segun iti Police Regional Office 8.
Segun ken ni PRO8 public information officer chief Police Major Analiza Armeza, saanda pay laeng a makaibaga ita ti naan-anay a detalye mainaig iti person of interest.
Natalgeden ti kasasaad ni Espinosa a nagsagaba iti tama ti paltog iti akin-kannawan nga abagana ken ti nadunor pay a biktima a ni vice mayoral bet Mariel Espinosa Marinay.
Maipalagip nga idi kalman iti alas kuatro y media iti malem, adda iti campaign event ni Espinosa a mangur-uray iti batangna nga agsarita idin ta pinaltugan ti lalaki a naglemmeng iti isim ti stage babaen iti saan pay a nabigbig a klase ti paltog.
-- ADVERTISEMENT --
