Agpada a bimmaba ti performance rating da Presidente Ferdinand Marcos Jr. ken ni Vice President Sara Duterte.
Maibasar iti insayangkat a survey ti Pulse Asia Research Inc idi September 30, nakaala iti 33 percent nga approval ti panagakem ni Marcos iti trabahona, idinto a 55 percent met ken ni Duterte.
Numan pay adda pagdumaan ti approval percentage, agpada met a naksayan no ikumpara iti survey idi bulan ti Hunyo.
Siam a puntos ti naikissay ken ni Marcos manipud iti 42 percent idinto nga uppat a puntos ti naikissay ken ni Duterte manipud iti 59 percent.
Kabayatanna, 44 percent ti saan nga umanamong iti panangakem ni Marcos iti trabahona, nangatngato ngem iti 39 percent idi napan a bulan, idinto a 23 percent ti undecided.
22 percent met ti saan nga umanamong iti panagtakem ni Duterte, nabab-baba ngem iti 25 percent idi Hunyo, idinto a 24 percent ti undecided.
