Impasigurado ni Presidente Ferdinand Marcos Jr iti publiko a nainget ti panangadalda iti performance kadagiti opisial ti gobierno saan laeng a kadagiti miembro ti gabinete no di ket uray ti dadduma gapu ta kayatna nga irecalibrate ti administrasyonna tapno masungbatan ti pagkasapulan dagiti umili.
Segun ken ni Marcos, saan a pabuya laeng ti panagbaliw ti gabinete no di ket paset ti napasnek a panagtignayda tapno pasayaaten ti performance ti gobierno.
Daytoy ket sungbat ti presidente iti saludsod mainaig iti mabalin a baro a waragawag kasaruno ti panawaganna a courtesy resignation manipud kadagiti miembro ti gabinetena idi napan a lawas.
Immunan a kinumpirmaran ni Executive Secretary Lucas Bersamin a pinagtalinaed ti presidente ti economic teamna ken inawatna dagiti dua a courtesy resignation tapno mapalubosan dagiti opisial a maaddaan iti ‘short break’.
