Rugianen ita nga aldaw ti Philippine National Police ti agited iti performance-based bonus dagiti kamengda para iti Fiscal Year 2022.
Basar iti Special Allotment Release Order, ti PBB ket aggatad iti uppat a billion a pisos.
Maawat daytoy ti nasurok 200K a PNP personnel nga adda “exceptional performance” nak et nakaala iti score nga 80 points basar iti naituding a PBB Criteria and Conditions.
Segun iti PNP, kada benepisyaryo ket makaawat iti katukad ti 52 percent iti December 31, 2022 monthly basic salary-da a madiretso iti ATM payroll accounts da.
Saan a kwalipikado iti PBB para iti fiscal year 2022 ti dadduma a kameng ti PNP gapu iti kaso a criminal ken administratibo a sinangoda idi 2022.
Malaksid dayta, adda pay incomplete submission da kadagiti dokumento, nababa ti performance, extended leave ken dagiti outstanding cash advance.
