Nagballaag ti environmental watchdog a BAN Toxics kontra kadagiti plastic nga ay-ayam a kapada iti taraon a mailaklako idiay Divisoria kalpasan a naduktalan a naglaon iti napeggad a kemikal.
Nagatang dagiti ay-ayam iti gatad a P50 iti tunggal piraso ken naadal babaen iti handheld chemical analyzer ket naammoan nga addaan ti lebel ti arsenic, antimony, barium, bromine, lead ken mercury.
Mapagdudua-an pay a naglaon iti PVC wenno polyvinyl chloride, a mainanaig iti kanser, endocrine disruption, ken epekto iti salun-at ken panagdur-as dagiti ubbing.
Karaman kadagiti ay-ayam ket kapada iti burger, itlog, prutas, candy ken tsokoleyt.
Numan pay mailaklako a makatulong para iti panagsursuro ket mabalin nga agresulta iti peggad ti toxic exposure ken choking kangrunaan kadagiti ubbing nga agtawen iti tallo agpababa.
