VIGAN CITY – Maragsakan ni Dr. Loida Ranches manipud ti Vigan City Health Office iti naballigi a pannakaiyuswat ti pediatric vaccination kontra covid19 idi kalman.
Iti pannaki-uman ti Bombo Radyo Vigan ken ni Dr. Ranches, kadagiti tallopulo a nabakunaan ket awan iti nakapasar ti adverse effect wenno madi nga epekto gapu ti bakuna ket namnamaenda nga inton suamruno a vaccination program ket amin a naipan iti Masters list ket makapabakuna tapno magun-od ti herd immunity.
Katulonganda dagiti Barangay Heatlh Workers, dagiti nagannak ken mangisursuro a mangallaukoy kadagiti ubbing ken annakda nga agpabakuna.
Malaksid iti dayta, inyunay-unay ni Ranches ti kinapateg ti panagbakuna ta uray no makaptan iti Covid ket maliklikan ti pannakayospital, pannakarikna ti nakaro a kondisyon ken pannakatay.
Liklikanna pay ti panag-quarantine a manglapped iti trabaho ken panagdur-as ti ekonomia.
