Dead on the spot ti maysa a pedestrian a nadungpar ti motorsiklo idiay Barangay Puspus, Bantay, Ilocos Sur.
Iti pannaki-uman ti Bombo Radyo Vigan ken ni PLT Reynaldo Reynon, agturong iti laud ti motorsiklo idi bigla a bimmallasiw ti pedestrian.
Gapu iti kapigsa ti impact, agpada a naipurwak ti pedestrian ken ti motorsiklo, 20-30 meters ti mapapati a kaadayona manipud iti lugar a nakapasamakanna ta napaspas ti pataray ti drayber.
Kabayatanna, dagiti met nagkalubbon iti motorsiklo ket nadundunor met a dagus a naitaray iti ospital, nga ita ket adda iti Intensive Care Unit gapu iti kritikal a kasasaadda.
Natakuatan a nakainom ti drayber ti motorsiklo ket agpada a saanda a nakasuot iti helmet ti backride-na.
Ti pedestrian ket kaduana dagiti kabagaynna idi mapasamak ti insidente ta dagitoy ket naggapuda iti ili ti Narvacan.
