VIGAN CITY – Nakasaganan ti Provincial Disaster Risk Reduction and Management Office para iti panagrespondeda iti epekto ti bagyo Ambo kas pinasingkedan ni PDRRMO Officer Michael Chan.
Dayta ket gapu ta nakaibayogen iti signal number 2 ti probinsia ket manamnama iti panagduprak ti bagyo.
Segun kenni Chan, nakasaganan dagiti trak a maaramat ken kitkitaendan a naimbag ni kasapulanen ti pre-emptive evacuation kadagiti agindeg nga adda iti lugar a nadaras a malayus.
Agpatpatnag a nakamonitor dagiti opisial iti nasao nga ahensia pakairamanan dagiti kameng ti Philippine National Police, Bureau of Fire Protection ken dagiti coast guard ta no kas man bilang adda ti masapulda a respondean ket addada latta nga agtitinnulong.
Kabayatanna, kitkitaenda payen dagiti lugar a maaramat a kas evacuation area ken kunana saan a mabalin nga ipan dagiti evacuees kadagiti lugar a naaramaten a kas COVID19 quarantine facility.
