VIGAN CITY-Nangipatulod ti Provincial Disaster Risk Reduction and Management Council (PDRRMC) ti augmentation team idiay Calasiao ,Pangasinan tapno tumulong iti panagbakwit dagiti residente gapu iti layus a ti agdama ket naisakup iti state of calamity.
Segun kenni PDRRMC- officer Michael Chan , sumagmamano kadagiti barangay ti saan da a maserrek gapu ta katukad ti dwa a tao ti kaadalem ti layus ken napegges ti danum isu a pagamkan na a lumned dagiti nasao a barangay no agtultuloy ti saan a nasayaat a kasasaad ti paniempo.
Sumagmamano pay kadagiti barangay ti agingga barokong ti kaadalem ti layus isu a pinnarigatan iti rescue operation.
Agtalinaed ti augmentation team idiay Calasiao ngem inpasigurado ni Chan nga umanay ti bilang dagiti rescuers ditoy probinsiya nga agresponde no adda ti saan a nasayaat a mapasamak.
