Ngimmato ti pastrek ita a tawen dagiti Persons Deprived of Liberty iti Ilocos Sur Provincial Jail iti panagaramidan ti parol ita nga umadani ti paskua ta adu ti awatda.
Iti pannaki-uman ti Bombo Radyo Vigan ken ni Provincial Jail Warden Raymond Tabios, dakkel a tulong iti yaadu ti pastrek dagiti PDL ti panagorder ti Provincial Government of Ilocos Sur kadagiti parol a mausar a pangarkus iti kapitolyo.
Uray pay dagiti parol a nayarkus iti Christmas ONEderland iti probinsia ket naggapu amin iti Ilocos Sur Provincial Jail.
Malaksid dayta, adda pay dagiti dadduma a nagorder kadakuada kas ti St. Paul College of Ilocos Sur a rinibo dagiti impaaramidda ken dagiti nadumaduma a local government units.
P50 ti presyo ti kabassitan a parol idinto a ti kadakkelan ket P400.
