--Ads--
VIGAN CITY – Naikkan ti sangapulo a minutos dagiti Persons Deprived of Liberty ti probinsya a makapatang dagiti ayayaten da iti biag babaen iti videocall.
Segun kenni Provincial Jail Warden Raymond Tabios, iti nasao nga addang ket tapno maikkat iti linday ken iliw dagiti PDL iti pamilya da kangrunaan ita nga adda iti sangsangwen iti sangalubongan a corona virus disease.
Manipod idi naiyetnag iti executive order ni Governor Ryan Singson idi March 16 ket saanen a napalubusan pay a bumista iti pamilya da ken kasta pay iti panagdenggeg iti kaso a sangsangwen da.
Ti agdama pakabuklan a sangagasut siyam a pulo ket innem iti PDL ti Ilocos Sur Provincial Jail.
-- ADVERTISEMENT --
