Maidalan nga insigida ti autopsy dagiti amin a persons deprived of liberty (PDL) a matay iti uneg ti New Bilibid Prison.
Ti pangngeddeng ti Department of Justice ket kasaruno ti pannakadiskubre dagiti bangkay dagiti PDL iti uneg ti funeral home bayat ti covid-19 pandemic.
Segun ken ni DOJ Undersecretary Deo Marco, akem ti pagilian a siguradoen a maikalintegan ti pannakatay dagiti PDL ket awan ti foul play a napasamak.
Kalikagumda pay a maamoan nu ania ti impatay dagiti PDL ta adu ti reports a ti pakakatayanda ket tuberculosis ta nu bilang agraira ti nasao a sakit ket matignayan nga insigida.
Ti panag-autopsy kadagiti bangkay nga inmates ket isayangkat ti University of the Philippines Manila.
Ipaay ti United Nations Office on Drugs and Crime ti equipment ken technology tapno tulongan iti gobierno.
