Nagballaag ti Philippine Drug Enforcement Agency (PDEA)iti publiko kontra ti pannakausar ti maysa a substance a maawagan iti etomidate, maysa a klase ti short-acting intravenous anaesthetic, a naduktalan a nailaok kadagiti nakumpiskar a vape products.
Segun iti PDEA, ti etomidate ket lehitimo a medical drug a maus-usar kadagiti balay pagagasan a makatulong iti general anaesthesia ngem delikado iti bagi ti tao no maaramat nga awan ti pammalubos ti doctor.
Sumagmamano kadagiti epektona iti bagi ket ti pannakaawan iti puot, panagsakit ti bagi ken mabalin pay a pakatayan.
Segun kenni PDEA Director General Undersecretary Isagani Nerez, ti nakaro a naapektaran ket dagiti aggatang ken agar aramat iti illegal a vape productsa.
Sumagmamano met kadagiti pagilian a nanginget iti seguridadda kontra kadagiti illegal a vape ket ti Thailand, China, Hong Kong ken Singapore.
