Umabot iti P7.41 billion ti gatad dagiti iligal a droga a nakumpiskar ken marijuana plants a naparut ti Philippine Drug Enforcement Agency Region 1 idi Hulyo agingga Nobiembre idi napan a tawen.
Iti pannaki-uman ti Bombo Radyo Vigan ken ni Atty. Benjamin Gaspi manipud iti PDEA-1, ti nasao a gatad ket buklen ti 1,028,058 grams ti shabu, 4,802.47 grams ti marijuana.
Ti met naparut a marijuana plants ket umabot iti 238,935 a piraso ken 56,406 met ti seedlings.
Kabayatanna, manipud Enero agingga Disyembre 2025 ket nakaiwayatda iti 1,082 a buy-bust operation ken 11 nga interdictions.
Karaman ditoy ti marijuana eradication, recovery kadagiti iligal a droga, raid, ken confiscation.
Adu pay dagiti inwayatda nga operasion kadagiti drug den a nakakemmegan dagiti 4 a lider ti drug group, saggaysa a foreign national ken government employee, 2 nga elected officials, 17 a High Value Individual, ken 27 a target listed.
