Dandanin makumpleto ti Philippine Charity Sweepstakes Office (PCSO) ti panangted ti medical transport support iti intero a pagilian.
Dayta ket kalpasan a naiwaras iti nayon a sangapulo a nayon a Patient Transport Vehicles idi kalman iti Main Office idiay Mandaluyong City.
Segun ti PCSO, paset dayta iti napadaras a panangipatungpal ti Medical Transport Vehicle Donation program kasaruno ti bilin ni President Marcos a maikkan ti bukod a patient transport unit iti amin a probinsia, siudad, ken ili tapno mapapigsa ti access ti emergency medical care.
Tunggal PTV ket adda karamannaa napateg a gamit iti emergency kas ti stretcher, oxygen tank, wheelchair, first-aid kit, blood pressure monitor, ken medicine cabinet tapno masigurado ti natalged ken nadaras iti panagakar dagiti pasiente kadagiti ospital ken rural health units.
