VIGAN CITY – Naisayangkat ti turn-over of command ceremony iti nagbaetan da PCol Marlo Castillo ken PCol Jugith Del Prado idi kalman July 10, 2023 idiay Camp Elpidio Quirino, Bulag, Bantay.
Ti pannakaipasa ti posisyon kas provincial director ken ni Del Prado ket immatangan da PCol. Antonio Marallag Jr., Deputy Regional Director for Administration iti Police Regional Office 1 a nangibagi ken ni PBGen. John Chua a Regional Director iti Police Regional Office 1, Governor Jerry Singson ken Vice Governor Ryan Singson.
Balakad ni Marallag iti kabarbaro a provincial director a pagtalinaedenna laeng aniaman a naaramidan ni Castillo ken aramiden iti trabaho ti pulis nga isu to prevention ken solution.
Ngem nupay kasta ket allukoyenna a nu kabaelan ket nasaysayaat a saanen a dumteng iti solusyon nu diketdi nakaaramiddan ti addang tapno maliklikan iti aniaman a krimen a posible a mapasamak.
VOICE OF PCOL. ANTONIO MARALLAG JR.
Impanamnama ti baro a naipatugaw a Provincial Director iti Ilocos Sur Police Provincial Office a ni PCOL. Jugith Del Prado nga aramidenda ti amin a kabaelanda tapno magun-od ti linak ken talna iti probinsia kasta payen ti kinatalged ti publiko ket patienna pay a dakkel ti maitulong dagiti kapulisan iti pananggun-od kadagiti kalikagum ti provincial government.
VOICE OF PCOL. JUGITH DEL PRADO 1
Ngem nupay kasta, ipaganetgetna latta a nasken ket kanayon nga adda pannakitinnulong ti tunggal maysa iti kagimungan kas paset iti pannakagun-od ti kinatalna ti probinsia.
Babaen ti pannakaidanun kadakuada dagiti pasamak ket naal-alisto met ti panagtignayda.
VOICE OF PCOL. JUGITH DEL PRADO 2
