--Ads--
Inreklamo ni Presidential Communications Office Undersecretary Claire Castro iti National Bureau of Investigation (NBI) iti mapapati a pangta iti biagna babaen iti social media post.
Segun ken ni Castro, ti nasao a banag ket adda pakainaigan ti Facebook page a Laminous by Trixie Cruz-Angeles ken Amet Paglinawan a naglaon iti panangpasakit iti pisikal ken seryoso a pangta iti biagna.
Kinunana a napateg nga iparekordna iti NBI ti nasao a panagpangta ta amangan no adda mapasamak a madi kenkuana.
Personal nga am-ammona ni Cruz-Angeles ngem saan ni Paglinawan.
-- ADVERTISEMENT --
Inaminna a mabuteng isuna ta saan a sanay nga adda mangpangpangta iti biagna.
