Mangipaay ti Philippine Coast Guard iti tulong kadagiti pamilia dagiti pinanawan ti personnel-da, a karaman kadagiti sangapulo a natay iti aksidente idiay SCTEX, Tarlac.
Segun ken ni Christian Maño, ni Seawoman 1 Diane Janica Alinas ken ti asawana ket karaman kadagiti natay iti karambola idiay Tarlac City Toll Plaza.
Pinanawanda ti dua tawen nga anakda, a karaman kadagiti nakalasat.
Segun ken ni PCG Commandant Ronnie Gil Gavan, ipaayanda ti pamilia Alina iti P250,000 a financial assistance.
Ipaayanda pay ti pammadayaw ni Alinas a nagserbi iti lima a tawen iti PCG.
Imbilinen ti Department of Transportation iti Land Transportation Franchising and Regulatory Board a suspensoen ti operasyon ti Solid North Transit, Incorporated gapu iti pasamak.
Imbilin pay ti LTFRB iti Passenger Accident Management and Insurance Agency nga iproseso ken iruardan ti insurance claims para kadagiti biktima.
