Na-harass manen dagiti barko ken kameng ti Philippine Coast Guard (PCG) ken Bureau of Fisheries and Aquatic Resources (BFAR) itattay bigat iti Pag-asa Island a paset iti West Philippine Sea (WPS).
Segun ken ni PCG Spokesperson for the West Philippine Sea Commodore Jay Tarriela, naaddaan ti minor structural damage iti komprontasyon iti Chinese Coast Guard (CCG) iti barko iti PCG a BRP Datu Pagbuaya.
Numan pay nagsagrap ti minor damages iti barko ket siguradoen ni Tarriela nga awan iti nairekord a nadangran iti pasamak.
Segun ken ni Tarriela, ti BRP Datu Pagbuaya ken ti dua pay a BFAR vessels ket adda iti Pag-asa Island iti nasurok limapulo a kilometro manipod Palawan kas salaknib dagii lokal a mannalon nga agsapsapul iti West Philippine Sea idi nangisayangkat kadagiti agresibo nga aksyon iti CCG ken uray ti Chinese Maritime Militia vessels iti paset iti WPS.
Iti laksid dayta ket impatangken ni Tarriela a saan a dayta iti nagbalin a rason tapno agbuteng ken agpaapekto iti taktika dagiti kameng ti China idiay West Philippine Sea.
Siguradoen ni Tarriela a ti insidente ket nangpatibker laeng iti riknada ken napapigsa iti commitment tapno agtungpal iti mandatoda a salakniban ti teritoryo ken soberanya iti pagilian.
