Patien ni Philippine Coast Guard (PCG) Spokesperson for West Philippine Sea Commodore Jay Tarriela a saan a pa-victim iti pagilian ta kanayon a bikbiktimaan iti China dagiti Pilipino kasaruno iti sarita ti Chinese Embassy kalpasan a nakita iti dua a Chinese vessels iti asideg ti Capones Island, Zambales idi Huebes ken Biernes.
Segun ken ni Tarriela, nakita ti maysa a People’s Liberation Army Navy vessel iti 42 nautical miles manipod Capones Island idi Huebes ken maysa a Chinese Coast Guard vessel met iti 73 nautical miles idi Biernes bayat a sapsapulenda iti maysa a mapukpukaw a mangngalap.
Sinungbatan dayta ni Chinese Embassy Deputy Spokesperson Guo Wei ket impaganetgetna nga adda napasamak nga overlapping iti Exclusive Economic Zone (EEZ) dagiti dua a pagilian.
Kinunana nga isardeng iti panangiladawan ti Pilipinas a biktima ta nakasaganada a tumulong kadagiti mangngalap no ammoda iti pasamak.
Inkalintegan ni Tarriela a nu marukod a husto ket adayo iti ibagbaga iti China nga exclusive economic zone.
