Aminado ti Philippine Coast Guard (PCG) a saan a nadaras ti panangsapul kadagiti mapukpukaw a sabungero a mapapati a naipan iti Taal Lake.
Segun ken ni PCG Spokesperson Capt. Noemie Cayabyab, adu a karit iti sangsangwen ti technical divers-da tapno maisayangkat ti panagsapul nangruna ti kauneg ti Taal Lake ket 170 meters nu yarig iti sangagasut a metro a kaunegan a linangoy dagiti diver iti Coast Guard.
Karaman pay iti kasasaad a panawen, kalidad a kas ti kinaliknaw wenno kinalibeg iti danum a makaapektar iti lake ken ti aktibidad ti bulkan.
Malaksid iti dayta ket ti kinapaut ti panawen nga adda iti danum dagiti sabungero ket possible nga awandan iti eksakto a lugar a nakaipananda.
Nu kas bilang agsapulda ket kinuna ni cayabyab a makikammayetda ti Philippine Navy tapno makatulong iti panag-dive.
Iti agdama ket awan pay ti official request ti Department of Justice (DOJ) tapno mangisayangkat ti panag-dive iti Taal Lake.
