--Ads--
Mangrugi inton bigat, Hulyo 14 ket agaramaten ti Philippine Coast Guard iti advanced underwater equipment tapno mapaalisto ti panangsapul iti rurog dagiti mapukpukaw a mannadi iti Taal Lake idiay Batangas.
Segun ken ni PCG Spokesperson Captain Noemi Cayabyab, ti remotely operated vehicle ket maaramat iti adalem a paset ti Taal Lake inton bigat.
Innayon ti opisial a ti ROV ket kabaelanna ti mangkita iti adalem a paset ti danum iti agingga sangaribo a kadapan ken kabaelanna ti agbagkat kadagiti banag kas kadagiti sako nga agdagsen iti 10 agingga 12 kilos.
Numan pay aramaten ti PCG ti ROV, agtultuloy ti diving operations dagiti kamengda agingga a makitada iti banag a makatulong kadakuada iti nasao a kaso.
-- ADVERTISEMENT --
